ياذيب00

ياذيب00

1- ياذيب أنا بنصحك وأوصيك ياذيب = لا تـــــرجي إلا الله وطبق كتابه

2- والوقت خذ من كل مابه تجــاريب = وحـــــذرا تخاو إلا سواتك ذيابة

3- ياذيب كم ذيبن غشى راسه الشيب = مـــن خوة الهافين في كل جابة

4- غروه يحسبهم على العز والطيب = نخــــوه وإثْر الليل ماينسرى به

5- من طيبته غرته بيض الهنـاديب = ومـــن ساع لاح البرق ولم ركابه

6- كمل وجمل في جميع المواجيب = ولْيا انتهى ياعنك ما أحدن درى به

7- فعله وقــــدره لبسوه الأجانيب = وأهــــــل الحكي والفشكرة والربابة

8- صحيح بعض الناس ما يعرف العيب = وكم بيت قلت قيمته من ذبابه

9- من ياخذ بوجهه وينسى المواجيب = يــــــــاعنك ماله قدر ولا مهابة

10- ومن دور الهيبة ورا الضلع ماهيب = ومــن لا لبس ثوبه تعيبه ثيابه

11- ياذيب لاتندم على الخير يـــــاذيب = لـــــكن حذرا الخبل تتبع سرابه

12- احسب لكل خطاك ياذيب تحسيب = ومن لا حسب لك لاتحسب حسابه

13- الصبخ والبطحا وسود الغرابيب = مـــــــــاتلزم الما لو يهمل سحابه

14- وزراعها بالبر والا الأعــــانيب = تعطيه شـوك وحنظلن ما ذرى به

15- ياذيب دون أهل الردى والعذاريب = قصر الشهامة والغـلا صك بابه

16- خلك بعـــــــزك في علي المراقيب = وخل الطمن لطيوره اللي تشابه

قصيدة جميلة ورائعة ومعبرة .. من شاعر كبير ... وأستاذ قدير

أشكرك ( أبا عماد ) على ما تقدم من إبداع .. وليس غريبا على أهله

هذه مجاراة لقصيدتك ... مع كل التقدير

عزيزى العضو \ الزائر لايمكنك مشاهده الروابط الا بعد الرد

بسم الله الرحمن الرحيم


صح لسانك شاعرنا

القصيدة فيها من القوة الشيء الكثير وأصبت حسب فهمي الهدف والله يصلح الشأن

الصبخ والبطحا وسود الغرابيب=ما تلزم الما لو يهمل سحابه
وزراعها بالبر والا الأعانيب=تعطيه شوك وحنضلن ما ذرابه

صح السانك يا ابو عماد أنا أشهد أنك صدقت

شكرا لبو عماد شاعر نا صح لسانك قصيدة تحكي الحال

المشاركة الأصلية كتبت بواسطة مقبول مبارك عزيزى العضو \ الزائر لايمكنك مشاهده الروابط الا بعد الرد

3


5- من طيبته غرته بيض الهنـاديب = ومـــن ساع لاح البرق ولم ركابه

6- كمل وجمل في جميع المواجيب = ولْيا انتهى ياعنك ما أحدن درى به

صح لسانك أبا عماد
بارك الله فيك
مع أطيب تحياتي

صح السانك ياشاعر القبيلة ...........

قصيدتك غاية في الروعة والجمال , وكل بيت فيها يعبر عن شعور ومعانات وغيرة
شاعر على قبيلته ,,

فعلا أنت تدق على الوتر الحساس (وأفهم يافهيم)